Alís Yngvason

• Iðjuþjálfi 

• Meistaranám í jákvæðri sálfræði frá Bucks University Englandi

• Núvitundarkennari MBSR frá Institut für Aktsamkeit, Þýskalandi

• Emotional Focused Couple Therapy (EFT)

• Gottman level 1 & 2

• Áfallafræði TRM

• Diploma í Hugrænni Atferlis Meðferð (HAM)

Alís er menntaður iðjuþjálfi frá Háskólanum á Akureyri frá 2003 og hefur hún verið virk í sí- og endurmenntun síðan þá. Til dæmis stundaði hún diplómu nám í HAM frá Endurmenntun HÍ, lærði til núvitunarkennara (MBSR) og lauk mastersgráðu í hagnýtri jákvæðri sálfræði. Hún hefur sótt fjölda námskeiða m.a. í áfallameðferð, parameðferð, hugleiðslu og streitustjórnun auk annarra námskeiða á sviði heilbrigðis- og félagsvísinda. Alís hefur starfað á ýmsum sviðum heilbrigðiskerfisins mest á sjúkrahúsum, bæði hér á landi og erlendis. Hún hefur undanfarin ár starfað sjálfstætt sem meðferðaraðili og starfar einnig í geðheilsuteymi. Hún hefur mikla reynslu af að vinna með pörum, einstaklingum og fjölskyldum. Alís hefur einnig haldið fjölda námskeiða, meðal annars um sjálfsmildi, jákvæða sálfræði og núvitund.

Alís hefur sérhæft sig í meðferðarnálgun Susan M. Johnson „Emotionally Focused Couple Therapy“ sem er ein mest rannsakaða og viðurkenndasta hjóna- og parameðferð í heiminum í dag. Alís hefur auk þess lokið annari af tveimur gráðum í áfallafræðum TRM (Trauma Resiliency Model – Stig I) sem haldin voru af „The Trauma Resource Institute”. Aðferðarfræðin miðar að því að vinna með fólki sem hefur upplifað áföll og langvarandi streitu.

Hún sérhæfir sig einnig í einstaklingsviðtölum með sérstaka áherslu á áföll, sorgarferlið, streitustjórnun, sjálfstyrkingu, samskiptaörðugleika, kulnun, líkamleg og andleg veikindi af ýmsum toga.

Alís býður upp á viðtöl í Fjölheimum á Selfossi og í Reykjavík og eins býður hún upp á netviðtöl.