Sjálfsmildi- meðferð og ráðgjöf

Hjá Sjálfsmildi er boðið uppá ráðgjöf, fjölskyldumeðferð, hjóna/parameðferð, einstaklingsmeðferð, og meðferðardáleiðslu.

Hjá Sjálfsmildi starfa Jónína Lóa Kristjánsdóttir og Ragnheiður Kristín Björnsdóttir löggildir hjúkrunarfræðingar og fjölskyldufræðingar og Alís Yngvason, iðjuþjálfi og MSc í Jákvæðri sálfræði. Þær hafa allar starfað lengi við meðferðarvinnu með einstaklinga, fjölskyldur, hjón og pör ásamt starfi í geðheilsuteymi.

Meðferð hjá Sjálfsmildi er fyrir fjölskyldur, pör og einstaklinga sem eiga í samskipta- og tengslavanda, eiga í erfiðleikum með uppeldi barna og unglinga, búa við andleg eða líkamleg veikindi, þunglyndi, kvíða, ágreining af ýmsu tagi eða eru að takast á við sorg, áföll eða breytta fjölskylduhagi m.a. í kjölfar skilnaðar.

Sjálfsmildi er til húsa í Fjölheimum á Selfossi þar sem einnig starfar fjöldi sálfræðinga og meðferðaraðila. Einnig er boðið uppá fjarviðtöl.